Er du vår nye sals- og marknadsrådgivar?
Vil du vere med å leggje til rette for og selje musea våre som attraktive besøks- og reisemål for eit variert publikum? Nynorsk kultursentrum har ledig stilling som sals- og marknadsrådgivar frå 1. august. Arbeidsstaden er ved Aasentunet i Ørsta.
Arbeidsoppgåver
Hovudoppgåva er å styrke kjennskapen til musea våre og til Nynorsk kultursentrum generelt, å selje inn musea som reisemål for både enkeltreisande og gruppebesøk, og å marknadsføre aktivitetane i musea og på festivalane våre. Vi søkjer ein medarbeidar som når fram til etablerte publikumsgrupper og samtidig leiter etter nye og relevante målgrupper for tilboda våre. Du vil samarbeide tett med andre tilsette om å planleggje og gjennomføre sals- og marknadsføringstiltak og utvikle kontakt med mediemiljø og reiselivsaktørar.
Det er høgt tempo i enkelte periodar, og du må kunne jobbe sjølvstendig, samarbeide godt med andre og sjonglere fleire oppgåver samtidig. Du må like å skrive og vere språksikker både munnleg og skriftleg. Du får bruk for evnene dine til å snakke med folk og til å selje inn saker i fleire kanalar.
Krav og kvalifikasjonar
Vi søkjer etter deg med bachelor i marknadsføring, sal, reiseliv eller tilsvarande fagområde og kompetanse. Erfaring frå liknande arbeid kan kompensere for formell kompetanse. Du har god kjennskap til digitale verktøy som publiseringssystem og InDesign. Du vil også samarbeide med andre om å vidareutvikle butikkane våre i musea, og ha ei koordinerande rolle for butikk- og billettsystem i organisasjonen.
Hos oss nyttar alle nynorsk i skriftleg kommunikasjon.
Vi tilbyr
Alle nye medarbeidarar får grundig opplæring. Nynorsk kultursentrum er medlem i arbeidsgivarorganisasjonen Virke og tilbyd ein idémyldrande bedriftskultur, engasjerte kollegaer, god pensjonsordning i Statens pensjonskasse, avtalefesta pensjon og gruppelivsforsikring. Du får tilgang til kulturelle opplevingar, fleksibel arbeidstid og moglegheit for trening i arbeidstida.
Stillinga er løna etter kompetanse og kvalifikasjonar i tråd med lokalt lønssystem.
Stillinga er ledig frå 1. august 2026. Kontorstad er i Aasentunet i Ørsta.
Om søknaden
Send søknad med cv som eitt samla pdf-dokument seinast 19. mai 2026 til [email protected]. Merk søknaden med stillinga du søker på. Hugs å ta med fullt namn, fødselsår, bustad og noverande stilling eller yrkestittel i søknaden.
Kontakt
Ta kontakt med administrasjonssjef Gaute Øvereng, tlf. 47 33 41 44 for meir informasjon om stillinga.
Om Nynorsk kultursentrum
Nynorsk kultursentrum, musea for skriftkultur, er ein kulturinstitusjon som gjennom vitskap og kunst arbeider for ein kulturell fellesskap i Noreg der det språklege mangfaldet er sjølvsagt. Stiftinga formidlar kunnskap og kultur til heile landet, digitalt og gjennom turnear og arrangement. Nynorsk kultursentrum driv musea Aasentunet i Ørsta, Haugesenteret i Ulvik og Vinjesenteret i Vinje og tre festivalar.
