Synest du dette er greitt, Jonas?
Regjeringa – med Jonas Gahr Støre i spissen – har funne på noko heilt vilt: Dei vil gi skattelette til unge … gjennom eit lotteri.
Ja, du las rett. 100.000 tilfeldig utvalde ungdommar mellom 20 og 35 år skal få opptil 27.500 kroner mindre i skatt kvart år – ikkje fordi dei slit, jobbar hardt eller tener lite, men fordi namnet deira blei trekt ut.
Kva slags rettferd er dette?
Les også: Det er ikke bare russere som har lav tillit til politikerne våre
Nok til bustad
Eg las om dette tullete forslaget i VG, og eg klarar ikkje sitje stille og sjå på at dette blir presentert som ei god løysing.
Over fem år betyr det nesten 130.000 kroner i forskjell. Det er nok til å komme seg inn på bustadmarknaden. Det kan vere forskjellen på å kome seg vidare i livet – eller bli ståande fast. Men viss du ikkje blir trekt ut? Ja, då får du ingenting.
Eg er 16 år og medlem i FPU. Og sjølv om eg ikkje betaler skatt enno, så ser eg kor viktig dette er for framtida mi – og for alle unge som står på kvar dag. At staten skal drive skattebingo i staden for å gi like vilkår for alle, det provoserer meg skikkeleg.
Les også: Flertall for AP-regjeringens samtykkelov
Lågare skatt for alle
FRP og FPU har alltid kjempa for lågare skatt – for alle, ikkje berre for dei som «vinnar» i politikken sitt lykkehjul. Det skal vere lønsamt å jobbe, og det skal vere rettferdig.
Vil regjeringa gjere det lettare for unge å kome i arbeid? Då bør dei heller auke frikortgrensa og gi reelle skattelettar til alle unge som jobbar. Ikkje berre slenge ut pengar til dei heldige 100.000.
Jonas, me spør deg: Synest du dette er greitt? Skal framtida til unge folk avgjerast av flaks?
Skatt skal ikkje vere bingo. Politikk skal vere rettferd.
